ЦХИНВАЛ, 22 дек – Sputnik, Плиты Фатимӕ. Хуссар Ирыстоны культурӕйы министрады адӕмон сфӕлдыстады центры хатдзӕгтӕ скодтой VI-ӕм республикон фотоконкурс "Хуссар Ирыстон -2021"-ӕн. Уӕлахиздзаутӕ фӕбӕрӕг сты ӕртӕ номинацийы - "РХИ цӕсгӕмтты" "РХИ фендтаг бынӕттӕ" ӕмӕ "Пейзаж".
Конкурсы бавдыстгонд куыстытӕ рахастой равдыстмӕ республикон библиотекӕйы фойейы. Ам сын адӕмӕн фадат ис саргъ кӕнынӕн.
Цхинвалы равзӕрстой хуыздӕр къамисджыты
© Sputnik / Фатима Плиева
Уӕлахиздзаутӕ ссисты Цхуырбаты Валерия ӕмӕ Василенко Анастасия, дыккаг уӕлахиздзау ссис ӕмрӕстӕджы дыууӕ номинацийы -"РХИ фендтаг бынӕттӕ" ӕмӕ "Пейзаж".
Призерты нымӕцы сты Гасситы Зӕринӕ, Хетӕгкаты Руслан. Адӕмон сфӕлдыстады центр сӕрмагонд призӕй та рахицӕн кодта Уалыты Мальвинӕйы. Ӕдӕппӕтӕй мадзалмӕ бавдыстӕуыд 38 куысты.
Куыстытӕн саргъ кодтой Культурӕйы министрады ӕмӕ Нывгӕнджыты цӕдисы минӕвӕрттӕ .
Цхинвалы равзӕрстой хуыздӕр къамисджыты
© Sputnik / Фатима Плиева