ЦХИНВАЛ, 23 дек - Sputnik, Плиты Фатимӕ. Хуссар Ирыстон ӕмӕ Уӕрӕсейы хсӕн фӕндагон бастдзинад кӕй аскъуыд, уый бандӕвта Цхинвалы цардыл. Транскамы сӕхгӕдӕй цыппӕрӕм бон столицӕйы кӕцыдӕр ӕртаджы станцты нал ис бензин, дуканиты уӕлтӕрхджытӕ рацух сты урсаджы продукцийӕ.
Куыд бандӕвта фӕндаджы ӕхгӕд Цхинвалы цардыл
© Sputnik / Фатима Плиева
Ӕгас Цхинвалы ӕртагкӕнӕн станцтӕ ис 10-ӕй фылдӕр, се 'мбисы фӕцис ӕртаг.
"Ӕртаг уадзӕм талонтӕм гӕсгӕ. Мӕ хъуыдымӕ гӕсгӕ къуырисӕры онг сфаг уыдзӕн ӕртаг. Дзӕуджыхъӕуы цӕттӕ у нӕ уӕз, куыддӕр фӕндаг бакӕной, афтӕ раласдзыстӕм", - загъта Паддзахадон унитарон куыстуат "Нефтепродукт"-ы хистӕр Джыгкайты Сослан.
Фӕндаджы ӕхгӕд ма бандӕвта хӕлцады дуканиты продукцийыл.
"Къуыри дыууӕ хатты нӕм вӕййы ӕрласт, ацы къуыри нырма нӕ райстам продукци. Урсаджы продукцийӕ тынг рацух стӕм", - загъта Sputnik хӕлцады дуканитӕй иуы хицау.
Транскавказы автомагистралыл фӕндагон змӕлд ӕрурӕдтой къуырисӕры райсом.
Куыд бандӕвта фӕндаджы ӕхгӕд Цхинвалы цардыл
© Sputnik / Фатима Плиева