ЦХИНВАЛ, 24 дек - Sputnik. Хуссар Ирыстоны Уӕлвӕткон уавӕрты министрады (УУМ) зынгфӕдисон хъусдарды инспектортӕ уадзынц скъолатӕ ӕмӕ сабидӕтты нывӕзтон басгӕрст, цӕмӕй ма руадзой уӕлвӕткон цаутӕ ногазон бӕрӕгбонты рӕстӕджы.
Афтӕ ма уагдоны кусджытӕ уадзынц профилактикон ныхас ахуырдзаутимӕ.
"Мах ракурӕм ногазон мадзӕлттӕ кӕм цӕуынц, уыцы уагдӕтты номхыгъд, ӕмӕ уымӕ гӕсгӕ ӕрзилӕм объекттыл, уадзӕм дзы профилактикон ныхас", - радзырдта УУМ зынгфӕдисон хусдарды дӕлхайады хистӕры хӕдивӕг Куымӕридтаты Андрей.
Куымӕридтаты Андрей банысан кодта, ӕхгӕд бӕстыхӕйтты бирӕ адӕмимӕ тобӕгонд кӕй у фейерверктӕй пайда кӕнын. Эвакуацион рахизӕнтӕ хъуамӕ ӕххӕст кӕной зынгфӕдисон ӕдасдзинады домӕнтӕ.
Уагдоны минӕвар ма бафтыдта, зӕгъгӕ, бӕстыхӕйтты, цы ран уагъд цӕуынц культурон-массон мадзӕлттӕ, хъуамӕ уа зынгсирвӕзтты ныхмӕ ифтонггарз.