ЦХИНВАЛ, 28 дек - Sputnik, Плиты Фатимӕ. Хуссар Ирыстоны паддзахадон драмон театры снысан кодтой геноциды тыххæй спектакль "Фӕстаг ӕвдисӕн"-ы датæ. Премьерон равдысттæ уыдзысты 20 æмæ 21 январы, фехъусын кодтой Sputnik ПДТ пресс-службæйы.
Къуырисæры спектакль рахастой æхсæнадон æмæ аивадон советты æркастмæ. Спектаклы равдысты бон фидар фӕцӕуы традицион фиппаинӕгты ӕмӕ баххӕстгӕнинӕгты фӕстӕ.
"Аскъуыддзаг кодтой, цæмæй январы 20 æмæ 21 нымæцы театры ацæуа ирон адæмы геноциды тыххæй спектакль "Фӕстаг ӕвдисӕн"-ы премьерон равдысттæ", - загътой пресс-службæйы.
Спектаклы ӕдӕппӕт архайы 60 адӕймаджы - алкӕцы дӕр дзы йӕхи бынаты ӕххӕст кӕны сӕрмагонд хӕс ӕмӕ нысаниуӕг. Гуырахстджын спектаклы театры труппӕйӕ дарддӕр архайынц театралон факультеты студенттӕ ӕмӕ ахуырадзаутӕ.
Спектакль "Фӕстаг ӕвдисӕн"
© Sputnik / Natalia Airiyan
Спектакль "Фӕстаг ӕвдисӕн"ы уацмыс ныффыста Остъаты Алан 2019 азы ирон адӕмы геноциды сӕдӕ азы юбилеймӕ. Спектакль бацӕттӕ кӕнын нӕ бантыст юбилейон датӕмӕ, республикӕйы сӕвзӕргӕ эпидемиологон уавӕры аххосӕй. Трагеди ӕвдисы 1920 азы июны цауты тыххӕй - уӕд Гуырдзыстон ӕрӕвнӕлдта ирон адӕмӕн геноцид аразынмӕ.