ЦХИНВАЛ, 29 дек - Sputnik, Козаты Диана. Хуссар Ирыстоны хицауад хорзыл банымадта барамынд сывӕрджын сылгоймӕгтӕн иурӕстӕгон фиддонтӕ сфидар кӕныны фӕдыл.
Ӕнӕниздзинадхъахъхъӕнынады министр Наниты Сосланы ныхӕстӕм гӕсгӕ, фиддоны бӕрц уыдзӕн 708 сомы ӕмӕ дӕрддӕр индексаци цӕудзӕн афӕдз иу хатт.
Хицауады сӕрдар Бекъойты Геннадий банысан кодта, зӕгъгӕ, раздӕр ахӕм фиддонтӕ республикӕйы фыст никуы цыдысты.
Банысангонд ӕрцыд, ацы фиддон Уӕрӕсейы дӕр лӕвӕрд кӕй цӕуы ахӕм бӕрцӕй.
Абон ма хицауады уӕнгтӕ сфидар кодтой зиан бавӕрыны фӕдыл социалон фиддоны бӕрц дӕр. Уый уыдзӕн 6 425 сомы ӕмӕ уый дӕр индексацигонд цӕудзӕн аз иу хатт.