ЦХИНВАЛ, 30 дек - Sputnik, Плиты Фатимӕ. Хуссар Ирыстоны мидхъуыддӕгты министрады разамынад самал кодта Ленингоры районы сабиты иу хайӕн ногазон лӕвӕрттӕ, фехъусын кодтой Sputnik уагдоны пресс-службӕйы.
Благотворительная акция МВД в Ленингорском районе
© Пресс-служба МВД РЮО
Барадхъахъхъӕнӕг органтӕ баузӕлдзысты Ленингоры уӕвӕг сывӕллӕтты хӕдзары хъомылгӕнинӕгтӕ ӕмӕ хицӕн бинонты зӕнӕгыл.
"Дыццӕджы мидхъуыддӕгты министрады разамынады хӕслӕвӕрдмӕ гӕсгӕ кусджыты къорд ацыдысты ногазон лӕвӕрттимӕ Ленингоры районмӕ. Министр Пухаты Мерабы бафӕндыд, цӕмӕй барӕвдауӕм бӕрӕгбонмӕ ацы районы сабиты иу къорды. Ног азмӕ адджинӕгтӕй дарддӕр Сывӕллӕтты хӕдзар райсдзӕн финансон ӕххуыс дӕр", - загътой пресс-службӕйы.
Уагдоны ма бафтыдтой, Ленингоры хӕрзаудӕн акцитӕ ногазмӕ МХМ аразы ӕрвылаз.
Ацы бонты ногазон акцитӕ цӕуы ӕппӕт республикӕйы. Традицион ногазон лӕвӕрттӕй дарддӕр Ахуырады министрадӕй сабиты ӕрхъуыды кӕнынц хицӕн амалиуӕггӕнджытӕ ӕмӕ уагдӕттӕ.