ЦХИНВАЛ, 10 янв - Sputnik, Плиты Фатимӕ. Хуссар Ирыстоны республикон стоматологон поликлиникӕйы коллектив баххуыс кодтой Дыгъуызты бинонтӕн, кӕцытӕ цӕрынц Цхинвалы районы Сатихъары хъӕуы, фехъусын кодта Sputnik проект "Бӕллицты фонтаны" автор Хъуылымбегты Елена.
Дыгъуызты дыууӕ ӕфсымӕры ахуыр кӕнынц Цхинвалы скъола-интернаты коррекцион къласы. Сабитӕ цӕрынц уӕззау уавӕрты ӕрмӕст фыды ӕвджид.
"Сывӕлӕтты тыхст царды тыххӕй коллектив куы базыдтой проект "Бӕллицты фонтан"-ы руаджы, уӕд ӕрӕмбырд кодтой фӕрӕзтӕ ӕмӕ сын балхӕдтой ӕхсӕн машинӕ. Сабитӕ сӕ дарӕс нырмӕ ӕхсадтой сӕхӕдӕг",- загъта Хъуылымбегты Елена.
Уый ма бафтыдта, дыууӕ ӕфсымӕры бӕллиц, кӕцыйы тыххӕй уыдон ныффыстой Митын Дадамӕ, у ӕнӕххӕст.