ЦХИНВАЛ, 10 янв - Sputnik, Плиты Фатимӕ. Къуырисӕры Хуссар Ирыстоны ӕппӕт сабидӕттӕ сӕ куыст сног кӕндзысты, фехъусын кодтой Sputnik горӕты администрацийы пресс-службӕйы.
Уымӕй размӕ ахуырады министрады фехъусын кодтой, 10 январы ахуырадон процесс кӕй райдайдзӕн ӕппӕт скъолаты.
"Ӕппӕт сабидӕттӕ, сӕ нымӕцы азы кӕрон карантин кӕм уыд, уыдон дӕр раздӕхдзысты куысты режиммӕ", - загътой администрацийы.
Ивгъуыд азы кӕрон столицӕ ӕмӕ районты къорд скъолайы ӕмӕ сабидоны архайдта карантин сезонон гриппы тыххӕй.