ЦХИНВАЛ, 20 янв – Sputnik, Тъехты Дзерассӕ. Хуссар Ирыстоны карантиныл сӕхгӕдтой гимнази "Альбион", фехъусын кодта Sputnik республикӕйы сӕйраг санитарон дохтыр Коцты Марина.
Йӕ ныхӕстӕм гӕсгӕ, ахуыргӕнджытӕ ӕмӕ ахуырдзауты хсӕн сбӕрӕг кодтой коронавирус ӕмӕ КРВИ-йӕ бирӕнымӕц рынчынтӕ.
"Абоны бонӕй 31 январы онг "Альбион" ацыд карантинмӕ", - загъта Коцты Марина.
Сӕйраг санитарон дохтыр бафтыдта, зӕгъгӕ, уагдон дарддӕр йӕ хъус дары эпидемиологон уавӕрмӕ Хуссар Ирыстоны скъолатӕ ӕмӕ сабидӕтты. Куы бахъӕуы, уӕд карантин бакӕнынц хицӕн къордтӕ ӕмӕ кълӕсты.
Амӕйразмӕ карантиныл сӕхгӕдтой Цхинвалы ӕхсӕзӕм астӕуккаг скъола, афтӕ ма хицӕн кълӕстӕ Аивӕдты лицей ӕмӕ Кадетон скъолайы.