ЦХИНВАЛ, 24 янв - Sputnik, Плиты Фатимӕ. Хуссар Ирыстоны теннисисттӕ расгуыхтысты Цӕгат Кавказы федералон зылды чемпионаты уӕлыстол теннисӕй, фехъусын кодта Sputnik Уӕлдӕр спортивон дӕсныйады скъолайы тренер Джиоты Мириан.
"Чызджы хсӕн нӕ спортсменкӕ Елбачиты Ирина дагестайнаг чызг Елена Тузоваимӕ къайон ерысты ссисты уӕлахиздзаутӕ. Уый фӕстӕ та дыууӕ чызджы скъуыддзаг кодтой ЦКФЗ ерысты уӕлахиздзауы ном финалы хисӕрмагонд дисциплинӕйы. Ирина ссис дыккаг, фӕлӕ райста Уӕрӕсейы чемпионаты хайад исыны бар, куыд ӕвзист призер. Уый стох кӕндзӕн февралы Сочийы", - загъта Джиоты Мириан.
Хуссар Ирыстоны аннӕ минӕвар Бекъойты Эдвард дӕр ссис призер.
Ирыстоны теннисисттӕ рамбылдтой дӕс майданы ЦКФЗ чемпионаты
© Теннисисты Осетии на СКФО
"Цӕгат Ирыстоны минӕвар Артем Внуковимӕ бацахстой ӕртыккаг призон бынат къайон ерысты. Стӕй ма Ирыстоны нӕлгоймӕгты командӕ дӕр у бронзӕйон призер",- бафтыдта уый.
Хуссар Ирыстоны спортсментӕ тох кодтой Цӕгат Ирыстоны командӕйы сконды. Ӕмткӕй командӕйы хыгъды ис 10 майданы, уыйдонӕй дыууӕ сызгъӕрин, иу ӕвзист ӕмӕ авд бронзӕйы.