ЦХИНВАЛ, 25 янв - Sputnik, Хъуылымбегты Зӕлинӕ. Хуссар Ирыстоны ивгъуыд суткӕйы сбӕрӕг кодтой 115 ног рынчыны коронавирусӕй, фехъусын кодтой дыццӕджы Sputnik Югосетпотребнадзоры.
"Нӕ лабораторийы сарӕзтой 220 иртӕсты. Уыдонӕй ӕвӕрццаг тест разынд 115 адӕймагӕн. Иу суткӕмӕ медицинон хыгъдӕй систой 40 пациенты. Медикты хъусдарды бын нырма ис 914 адӕймаджы", - загътой санитарон уагдоны.
Хуссар Ирыстоны пандемийы райдайӕнӕй абон онг COVID-19-ӕй сӕнӕнизуӕвӕг пациентты иумӕйаг нымӕц у 10 362. Санитарон уагдоны ПЦР-лаброраторийы ӕдӕппӕт сарӕзтой 59 591 иртӕсты, уыдон бӕрӕггӕнӕнтӕм гӕсгӕ коронавирус бахӕцыд 11 276 адӕймагыл.