ЦХИНВАЛ, 25 янв – Sputnik, Тъехты Дзерассӕ. Транскам кусы хуымӕтӕг режимы, фӕлӕ трассӕйы хуссар ӕмӕ цӕгаттаг фарс дӕр ис тыхджын митуард, фехъусын кодтой Sputnik дыццӕджы Хуссар Ирыстоны Уӕлвӕткон уавӕрты министрады (УУМ) пресс-службӕйы.
"Трассӕйы цӕгаттаг фарс ӕхсӕвмӕ ӕруарыд 50 сантиметры мит", - бафтыдтой уагдоны.
Республикӕйы УУМ радон хатт сиды шофыртӕм, цӕмӕй уой арӕхстджындӕр ӕмӕ ӕххӕст кӕной ӕдасдзинады домӕнтӕ, кӕцытӕ баххуыс кӕндзысты аиуварс кӕнын уӕлвӕткон цаутӕ.
Транскавказы автомагистраль у иунӕг фӕндаг, кӕцы иу кӕны Хуссар Ирыстоны Уӕрӕсеимӕ. Зымӕгон рӕстӕг фӕндаг кӕддӕрты ӕрцӕуы ӕхгӕд стыр митуарды аххосӕй.