ЦХИНВАЛ, 11 фев - Sputnik, Хъуылымбегты Зӕлинӕ. Хуссар Ирыстоны ивгъуыд суткӕ сбӕрӕг кодтой 77 ног рынчыны коронавирусӕй, фехъусын кодтой майрӕмбоны Sputnik Югосетпотребнадзоры.
"Нӕ лабораторийы сарӕзтой 245 тесты. Уыдонӕй низы уӕвынад равдыстой 77 иртӕсты. Иу суткӕмӕ медицинон хыгъдӕй систой 170 пациенты", - загъта цӕстдардон уагдоны хистӕр.
Йӕ ныхӕстӕм гӕсгӕ, медикты хъусдарды бын ма сты 2057 рынчыны.
COVID-19-ӕй сӕнӕнизуӕвӕг пациентты иумӕйаг нымӕц Хуссар Ирыстоны абоны онг у 11 515. Югосетпотребнадзоры ПЦР-лабораторийы ӕдӕппӕт пандемийы рæстæджы сарӕзтой 65 323 иртӕсты, уыдон бӕрӕггӕнӕнтӕм гӕсгӕ, вирусӕй фӕрынчын сты 13 572 адӕймаджы.