Знауыры районы сидзӕр сывӕллӕттӕ баулӕфдзысты "Цъӕй"-ы

Sputnik
ЦХИНВАЛ, 16 фев — Sputnik, Хъуылымбегты Зӕлинӕ. Хуссар Ирыстоны Знауыры районы сидзӕр сывӕллӕттӕ баулӕфдзысты хӕххон курорт "Цъӕй"-ы, радзырдта Sputnik республикӕйы хӕххон къахдзоныгъты ӕмӕ сноуборды федерацийы разамонӕг Тедеты Лери.
"Мӕнмӕ бадзырдта омбудсмен Цхуырбаты Татьяна, цӕмӕй сорганизаци кӕнӕм Знауыры районы сидзӕр сывӕллӕттӕн балц Цъӕймӕ. Ацы хъӕппӕрис ӕз хорзыл банымадтон, ӕмӕ ацы майрӕмбоны хӕххон курортмӕ абалц уыдзысты аст сывӕллоны. Афтӕ ма нывӕндӕм балцытӕ ӕндӕр районтӕй сывӕллӕттимӕ", - банысан кодта Тедеты Лери.
Тедеты Лери бафтыдта, зӕгъгӕ, проект ӕххӕст цӕуы РХИ сӕргълӕууӕг Бибылты Анатолийы финансон ӕххуысы руаджы.