ЦХИНВАЛ, 17 фев — Sputnik. Цхинвалы Харебаты Исахъы уынгыл байгом ис Сбербанк Хуссар Ирыстоны ног офис. Церемонийы хайад райстой республикӕйы премьер-министр Бекъойты Геннадий ӕмӕ Национ банчы разамонӕг Джиоты Жанна, хъусын кӕны цыппӕрӕмы хицауады пресс-службӕ.
РХИ Сбербанкы ног офисы республикӕйы цӕрджытӕн фадат ис райсын лӕггӕдтӕ, кӕцытӕ ис банчы централон бӕстыхайы дӕр.
"Ныры рӕстӕджы царды ӕмвӕзады стандартты ис нырыккон банкон лӕггӕдтӕ дӕр, кӕцытӕ исдзысты сӕ цӕрыны бынатмӕ ӕввахс республикӕйы столицӕйы иуыл егъаудӕр микрорайонтӕй сӕ иуы цӕрджытӕ", - загъта Бекъойты Геннадий.
Церемонийы хайдисджытӕ куыд банысан кодтой, афтӕмӕй Тъыбет, Цъунар ӕмӕ республикӕйы Знауыры районы цӕрджытӕн бирӕ ӕнцондӕр уыдзӕн бацӕуын банкон лӕггӕдтӕм Сбербанк Хуссар Ирыстоны ног структурон дӕлхайадмӕ.