ЦХИНВАЛ, 18 фев – Sputnik, Плиты Фатимӕ. Хуссар Ирыстоны столицӕйы администрацийы тыхтӕй ивд цӕуынц бирӕфатерон хӕдзӕртты подъезды дуӕрттӕ, фехъусын кодтой Sputnik мэрийы пресс-службӕйы.
"Горӕты администрацийы цӕрӕнуатон-эксплуатацион хӕдзарад ивы бацӕуӕн дуӕрттӕ бирӕуӕладзыгон хӕдзӕртты Мамсыраты Хадзы-Умары 9-ӕм ӕмӕ Гафезы 16А уынгтыл", - загъта пресс-секретарь Кокойты Анна.
Уый ма бафтыдта, ацы дыууӕ адресы уавӕр уыд мӕгуырау.
"Кӕм дзы бынтондӕр нӕ уыд дуӕрттӕ, кӕцыдӕр рӕтты та тынг рагӕй не 'рцыдысты ивд", - бафтыдта уый.