ЦХИНВАЛ, 24 фев - Sputnik. Хуссар Ирыстоны криминалон милицийы кусджытӕ басгӕрсты рӕстӕджы ссардтой Ленингоры районы Абреуы хъӕуы 39-аздзыд цӕрӕгмӕ пӕрттойы дыууӕ къоппы гӕнимӕ. Нӕлгоймаджы ӕрурӕдтой ӕмӕ йӕ бакодтой Дзауы районы мидхъуыддӕгты хайады рӕстӕгмӕдарӕн изолятормӕ. Уый тыххӕй хъусын кӕны республикӕйы Мидхъуыддӕгты министрады (МХМ) пресс-службӕ.
Уагдоны куыд радзырдтой, афтӕмӕй зӕрдӕхсагӕ уыд "Mersedes-Benz E 320" хӕдтулгӕйы пассажир, кӕцыйы ӕрурӕдтой Уанелы хъӕуы стационарон постыл.
"Оперативон информацийы реализацийы рӕстӕджы Уанелы хъӕуы стационарон постыл Криминалон милицийы кусджытӕ ӕрурӕдтой "Mersedes-Benz E 320" хӕдтулгӕ, кӕцыйыл скъӕрдта Цхинвалы 37-аздзыд цӕрӕг. Басгӕрсты рӕстӕджы ацы хӕдтулгӕйы пассажир, Ленингоры районы Абреуы хъӕуы 39-аздзыд цӕрӕгмӕ ссардтой пӕрттойы дыууӕ къоппы гӕнимӕ", - фехъусын кодтой МХМ.
Цауы фӕдыл басгӕрст уадзы РХИ Мидхъуыддӕгты министрады Криминалон милицийы наркотиктӕм хъусдарды фӕдыл дӕлхайад.