ЦХИНВАЛ, 28 фев - Sputnik. Хуссар Ирыстоны ивгъуыд къуыри регистрацигонд ӕрцыд иу фыдракӕнд, кӕцы раргом кодтой мидхъуыддӕгты органтӕ. Уый тыххӕй хъусын кӕны республикӕйы МХМ.
Алыгъуызон фӕткхӕлдты тыххӕй бӕрндзинадмӕ ӕрбаздахтой цалдӕр адӕймаджы, уыдонӕй фондзы ӕхсӕнадон фӕтк фехалыны тыххӕй.
Афтӕ ма ивгъуыд къуыри республикӕйы фӕндӕгтыл ӕрцыд иу фӕндагон-транспортон цау. Аварийы фӕстиуӕгӕн хӕдтулгӕтӕ райстой механикон цӕфтӕ, зианбаййафджытӕ нӕй.
Уымӕй дарддӕр Паддзахадон автоинспекцийы кусджытӕ сбӕрӕг кодтой фӕндагон змӕлды 381 фӕткхалды. Фараст шофыры скъӕрдтой хӕдтулгӕтӕ нозтджынӕй.