ЦХИНВАЛ, 1 мар — Sputnik, Хъуылымбегты Зæлинæ. Хуссарирыстойнаг спортсмен Кæсæбиты Майрæм ссис уæззау атлетикæйæ Уæрæсейы фыццагады уæлахиздзау æрыгон чызджытæ æмæ лæппуты хсæн. Уый тыххæй Sputnik фехъусын кодта тренер Кæсæбиты Инал.
Ерыстæ райдыдтой 21 февралы, хайад сæ исынц 300 спортсменæй фылдæр. Майрæм ссис чемпион 73 килограммы категорийы.
"Майрæм дыууæ дисциплинæйы иумæ систа 273 килограммы (123+150). Йæ ныхмæлæууæг, уæрæсейаг спортсмен Давид Саадянæй уый систа 13 килограммы фылдæр", - загъта тренер.
Йæ ныхæстæм гæсгæ, Уæрæсейы фыццагады уæлахиз Кæсæбиты Майрæмæн радта фадат стох кæнын дунейы чемпионаты Мексикæйы.