ЦХИНВАЛ, 9 мар - Sputnik. Хуссар Ирыстоны Паддзахадон ӕдасдзинады комитеты Арӕнгӕрон службӕйы кусӕг фӕмард уадзӕн пункт "Рук"-ы радгӕсады рӕстӕджы, фехъусын кодта республикӕйы генпрокуроры хӕдивӕг Битеты Сергей.
Трагеди ӕрцыд дыццӕджы. Развӕлгъау бӕрӕггӕнӕнтӕм гӕсгӕ, ӕфсӕддон йӕхӕдӕг йӕхи фехста.
"Уагъд цӕуынц ӕмбӕлон оперативон-сгарӕн мадзӕлттӕ, цӕмӕй сбӕрӕг кӕнӕм цауы ӕууӕлтӕ", - загъта Битеты Сергей.
Цауы бынаты кусынц барадхъахъхъӕнӕг органты минӕвӕрттӕ.