ЦХИНВАЛ, 21 мар — Sputnik. Хуссар Ирыстоны Мидхъуыддӕгты министрады (МХМ) кусджытӕ радтой ӕхцайы фӕрӕзтӕ Донецкы Адӕмон Республикӕйӕ лигъдӕттӕн, хъусын кӕны къуырисӕры республикӕйы МХМ пресс-службӕ.
Февралы кӕрӕтты, Уӕрӕсе куы расидт ӕфсӕддон сӕрмагонд операци Украинайы демилитаризаци ӕмӕ денацификацийы фӕдыл, уӕд Цхинвалмӕ ӕрцыдысты лигъдӕттӕ Донецкӕй. Хуссар Ирыстон райста 42 адӕймаджы, сӕ нымӕцы 24 сывӕллоны. Скъолайы кары сывӕллӕттӕ райстой ӕнӕмӕнгхъӕуӕг ӕрмӕг скъолайӕн ӕмӕ райдыдтой ахуыр кӕнын Цхинвалы ӕртыккӕгӕм скъолайы.
Хуссар Иры МХМ финансон ӕххуыс бакодта Донбассӕй лигъдӕттӕн
© Пресс-служба МВД РЮО
Барадхъахъхъӕнӕг уагдоны министры хӕдивӕг Марданты Спартак куыд банысан, афтӕмӕй Хуссар Ирыстоны цӕрджытӕ ӕмбарынц лигъдӕтты рыст.
"Сымах бирӕ бавзӕрстат, хӕст ӕрбацыд алкӕй хӕдзармӕ дӕр. Фӕлӕ ацы зын рӕстӕджытӕ тагъд фӕуыдзысты, ӕмӕ уӕ сывӕллӕттӕ уыдзысты иуыл амондджындӕр. Хуссар Ирыстоны адӕм уый бавзӕрстой, ӕмӕ уӕ тынг хорз ӕмбарӕм", - загъта Марданты Спартак.
Уӕрӕсе 24 февралы райдыдта сӕрмагонд ӕфсӕддон операци Украинайы демилитаризаци ӕмӕ денацификацийы фӕдыл. Бӕстӕйы Хъахъхъӕнынады министрады куыд банысан кодтой, афтӕмӕй УФ Гарзджын тыхтӕ ӕхсынц ӕрмӕстдӕр ӕфсӕддон инфраструктурӕ ӕмӕ украинаг ӕфсӕдты.
Хуссар Иры МХМ финансон ӕххуыс бакодта Донбассӕй лигъдӕттӕн
© Пресс-служба МВД РЮО