ЦХИНВАЛ, 28 мар - Sputnik, Гӕбӕраты Элина. Хуссар Ирыстоны сӕйраг сахары коммуналон службӕтӕ ӕфснайынц тыхдымгӕ ӕмӕ митуарды фӕстиуджытӕ. Цхинвалы мэрияйы пресс-службӕйы куыд радзырдтой , афтӕмӕй куыстмӕ бавнӕлдтой горӕты хӕрзарӕзтады хайады тыхтӕ иууылдӕр.
Цхинвалы хицауад иуварс кӕны тыхдымгӕйы фӕстиуджытӕ
© Пресс-служба президента РЮО
Тыхдымгӕ, кӕцыйы футтытӕ хӕццӕ кодтой иу секундмӕ 9 метры онг, ӕмӕ тымыгъ ссисты локалон авариты аххосаг.
"Нӕ кусджыты бригадӕтӕ райсомӕй нырмӕ сыгъдӕг кӕнынц фистӕгӕй цӕуджыты фӕндӕгтӕ мит ӕмӕ цъыфӕй, афтӕ ма калынц бӕлӕсты рацъӕлгонд къалиутӕ дӕр. Куыстыты хайад исынц цыппор адӕйаджы онг ӕмӕ цыппар иуӕджы та техникӕ", - радзырдта пресс-секретарь.
Тыхдымгӕ Цхинвалы асаста канд бӕлӕсты къалиутӕ нӕ, фӕлӕ ма систа Гафезы уынджы бирӕуӕладзыгон хӕдзӕрттӕй иуы агъуыст дӕр. Пырхӕнты бын фесты ӕртӕ хӕдтулгӕйы. Цауы бынатмӕ ныццыд президент Бибылты Анатолий дӕр.
Уый бахӕс кодта Уӕлвӕткон уавӕрты министрадӕн ссыгъдӕг кӕнын пырхӕнтӕ ӕмӕ сбӕрӕг кӕнын зианы ӕмвӕзад, горӕты администрацийӕн та - цыбыр ӕгъуыдмӕ бамбӕрзын агъуыст.
Уымӕй дарддӕр ма Хуссар Ирыстоны районтӕм аскъуыд фӕндагон бастдзинад ӕмӕ рухсифтонгад.