ЦХИНВАЛ, 1 апр - Sputnik. Транскавказаг автомагистраль изӕрмӕ уыдзӕн ӕхгӕд, уымӕн ӕмӕ хӕхты тӕссаг у зӕйты ӕрцыдӕй. Уый тыххӕй Sputnik фехъусын кодтой Хуссар Ирыстоны Уӕлвӕткон уавӕрты министрады.
Марты райдианӕй фӕстӕмӕ Ирыстоны хӕххон бынӕтты ӕппынӕдзух уарыд мит, уый аххосагӕй-иу фӕндаг рӕстӕгӕй-рӕстӕгмӕ ӕрӕхгӕдтой. Дыццӕгӕй рахъарм кодта ӕмӕ мит тайын райдыдта. Уый фӕдыл тӕссаг у зӕйты рацыдӕй.
Бон раздӕр, 31 марты дӕр Транскамыл ӕрурӕдтой автомобилон змӕлд зӕйты рацыды тасӕй. Трассӕйы цӕгаттаг ӕмӕ хуссайраг фадгуытыл дӕр рацыд цалдӕй зӕйы.