ЦХИНВАЛ, 8 апр — Sputnik, Плиты Фатимӕ. Хуссар Ирыстоны столицӕйы централон проспект сфӕлынддзысты декоративон къутӕр "бирючина"-йы 12 мин талайӕ, фехъусын кодтой Цхинвалы администрацийы пресс-службӕйы.
Ныр ӕртӕ боны дӕргъы горӕты администрацийы хӕрзарӕзтады комбинаты зӕлдфӕлындӕн управленийы кусджытӕ сӕумӕ райсомӕй садзынц къутӕры бынтӕ Джиоты Аланы проспектыл.
"Ӕдӕппӕтӕй дзы уыдзӕн 12 мин быны, уыдонӕй 4700 сты фӕззӕджы сагъд, аннӕтӕ та садзынц йеныр", - загътой уагдоны.
Пресс-службӕйы ма банысан кодтой, куыстытӕ ӕххӕст кӕй цӕуынц столицӕйы уалдзыгон зӕлдфӕлындӕн архайды фӕлгӕтты.
Уымӕй размӕ та горӕты ныссагътой нӕзы ӕмӕ цъуйы талатӕ.
Цхинвалы садзынц декоративон къутӕртӕ
© Sputnik