ЦХИНВАЛ, 13 апр – Sputnik. Ирон дирижер Тедеты Хетӕг ссис "Санктъ-Петербургъ Опера"-йы ног дирижер, хъусын кӕны театры пресс-службӕ.
Йӕ хайадистимӕ ӕввахсдӕр спектакль - Джакомо Пуччинийы опера "Богема" - ацӕудзӕн 20 апрелы.
Тедеты Хетӕг у Ирыстоны хӕдахуыр дирижер. Уый куыста Мариинаг театры оркестртимӕ, Мӕскуыйаг филармониимӕ, Санк-Петербурджы консерваториимӕ, Ростов ӕмӕ Алтайы филармонитимӕ.
Уый дӕсаздзыдӕй райдыдта дирижир кӕнын Цӕгат Ирыстоны паддзахадон филармонийы оркестрӕн Дзӕуджыхъӕуы. 13-аздзыдӕй йӕ къухдариуӕгады бын Мариинаг театры ӕмӕ Ростоваг паддзахадон филармонийы баиугонд оркестр ралӕууыд Цхинвалы. Фӕстӕдӕр хорзӕхджын ӕрцыд Хуссар Ирыстоны сгуыхт артисты ном.