ЦХИНВАЛ, 14 апр – Sputnik, Козаты Диана. Хуссар Ирыстоны Централон æвзарæн къамис арвыста президентмæ фыстæг, цы ран бахатыд 28 апрель расидын улæфт бонæй.
ЦӔК цыппæрæмы рабадты фæстиуæгæн сфидар кодта президентон æвзæрстыты дыккан туры датæ. Уый ацæудзæн цыппæрæмы, 28 апрелы.
"Аскъуыддзаг кодтам бæстæйы сæргълæууæгмæ фыстæг арвитын, цæмæй 28 апрель расида улæфт бонæй", - загъта ЦӔК сæргълæууæг Гæджиты Эмилия.
Хуссар Ирыстоны 10 апрелы ацыд президентон ӕвзӕрстыты фыццаг тур. ЦӔК развӕлгъау бӕрӕггӕнӕнтӕм гӕсгӕ, фыццаг туры фӕстиуджытӕ ӕвдисынц, Гаглойты Алан кӕй ӕмбулы ӕвзарджыты хъӕлӕсты 36,9 процентимӕ. Бибылты Анатолий систа хъӕлӕсты 33,5 проценты.