ЦХИНВАЛ, 14 апр — Sputnik. Цхинвалы центры ӕртыццӕджы изӕры ӕрцыд фӕндагон-транспортон цау, кӕцыйы фӕстиуӕгӕн хъыгдард баййӕфта горӕты 30-аздзыд сылгоймаг. Уый уайтагъд фӕхӕццӕ кодтой Республикон бирӕпрофилон медицинон центрмӕ, хъусын кӕны республикӕйы МХМ пресс-службӕ.
Фӕндагон инцидент ӕрцыд Харебаты Исахъы уынг ӕмӕ Джиоты Аланы проспекты алвӕндагыл 21:00 сахатмӕ ӕввахс.
"Хӕдтулгӕ ВАЗ-2114 шофыр баскъӕрдта Цхинвалы 30-аздзыд цӕрӕгыл. Аварийы фӕстиуӕгӕн сылгоймаг райста буары цӕфтӕ ӕмӕ йӕ фӕхӕццӕ кодтой рынчындонмӕ. ПАИ кусджытӕ сгарынц цауы лыстӕг хӕйттӕ", - банысан кодтой уагдоны.
Дохтырты информацимӕ гӕсгӕ, сылгоймаг райста ӕппӕт ӕнӕмӕнгхъӕуӕг медицинон ӕххуыс, йе 'нӕниздзинадӕн ницы тас у.