ЦХИНВАЛ, 21 апр - Sputnik. Хуссар Ирыстон Куадзӕны бӕрӕгбон банысан кӕныны цытӕн бакӕндзӕн ӕртӕ уадзӕн пункты Гуырдзыстонимӕ паддзахадон арӕныл. Уый тыххӕй дзырд цӕуы президент Бибылты Анатолийы барамынды, хъусын кӕны йӕ пресс-службӕ.
"Рӕстдинон Куадзӕн - Чырыстийы Сыгъдӕг Раудӕгасы цытӕн рӕстӕгмӕ 2022 азы 21 апрелы 8.00 сахатӕй 25 апрелы 20.00 сахатмӕ сног кӕнын арӕныл уадзӕн пункттӕ "Раздӕхӕн", "Синагур" ӕмӕ "Переу"-ы куыст", - дзырдӕуы документы.
Хуссар Ирыстон ӕмӕ Гуырдзыстоны хсӕн арӕн ӕхгӕд ӕрцыд 2020 азы коронавирусы пандемийы ахоосӕй, афтӕ ма ӕдасдзинад сифтонг кӕныны нысанӕн, 2019 азы сӕрды гуырдзиаг тыхон структурӕтӕ ӕнӕзаконон блокпост куы равӕрдтой Уисты хъӕуы (Цънелис), уый фӕстӕ.