ЦХИНВАЛ, 25 апр– Sputnik, Плиты Фатимӕ. Хуссар Ирыстоны Ленингоры посёлочы цӕрӕнуатон-коммуналон службӕтӕ сыгъдӕг кӕнынц цӕугӕдон Ахсадуры къанау, кӕцы иу ӕмӕ дыууӕ хатты нӕ фӕласта ӕввах ӕвӕрд хӕдзӕрттӕ.
Цӕугӕдон Ахсадур цӕуы посёлочы астӕу ӕмӕ иу кӕны Ксанмӕ.
"Донвӕндаг арӕзт ӕрцыд советон дуджы. Дӕргъвӕтин рӕстӕг ӕм ӕркаст нӕ уыд, калдтой дзы бырон. Уымӕ гӕсгӕ уалдзыгон ивылдты рӕстӕджы дон ӕввахс хӕдзӕртты ныккӕндтӕм бакалд. 2011 азы та ӕгас посёлок фӕласта дон", - загъта Sputnik районы администрацийы пресс-секретарь Кокойты Анжела.
Уый ма бафтыдта, коммуналон службӕйы минӕвӕрттӕ ныр цалдӕр бон кӕй архайынц къанау ссыгъдӕг кӕныныл ӕмӕ ныфс дӕттынц, куыстытӕ кӕй ахицӕн уыдзысты ацы къуыри.
Цӕугӕдон Ахсадур
© Photo : Пресс-служба Ленингорского района