ЦХИНВАЛ, 29 апр - Sputnik, Гӕбӕраты Элина. Хуссар Ирыстоны ссардтой Дзауы районы 1991 азы зӕххӕнкъуысты амӕттӕгты рухс нӕмттӕ. Фыдохы митинг ацыд Дзауы поселочы центры.
"Дӕсгай адӕм ӕрӕмбырд сты Кады Аллейы раз, цӕмӕй ссарой уыцы ӕвирхъау трагедийы амӕттӕгты рухс нӕмттӕ. Цыртдзӕвӕнмӕ сӕвӕрдтой дидинтӕ ӕмӕ веноктӕ. Чиныг "Осетия и осетины"-йы автор Челӕхсаты Хъазбег радзырдта уыцы бонты тыххӕй", - загъта Sputnik районы администрацийы пресс-секретарь Тедеты Лиана.
Хуссар Иры мысынц Дзауы 1991 азы зӕххӕнкъуысты амӕттӕгты
© Photo : Пресс-служба Дзауского района
Уый бафтыдта, зӕгъгӕ, дидинтӕ сӕвӕрыны фӕстӕ фӕмардуӕвджыты рухс ном ссардтой иу уысм ӕдзӕмӕй алӕугӕйӕ.
Тедеты Лиана бахахх кодта, районы администрацийы кусджыты хай кӕй ацыд Синагуры хъӕумӕ, цы ран дӕр ис ӕвӕрд мемориал амӕттӕгты мысӕнӕн. Уым дӕр дидинтӕ сӕвӕрдтой цыртдзӕвӕнмӕ.
Хуссар Иры мысынц Дзауы 1991 азы зӕххӕнкъуысты амӕттӕгты
© Photo : Пресс-служба Дзауского района
Зӕххӕнкъуысты эпицентр 9 баллы магнитудӕйы уыд Дзауы районон центры цур. Поселок ныппырх, Хахеты хъӕу та ацыд зӕххы бын йӕ 42 цӕрӕгимӕ иумӕ.
Зӕххӕнкъуысты амӕттӕгтӕ ӕдӕппӕт баисты 59 адӕймаджы, уыдонӕй 21 уыдысты сывӕллӕттӕ. Амӕттӕгты нымӕц уыдаид фылдӕр, фӕлӕ уыцы бон районы къухдариуӕгад ӕрӕмбырд кодта адӕмы Гуырдзыстоны уӕды къухдариуӕгады скъуыддзаджы ныхмӕ, кӕцымӕ гӕсгӕ хъуамӕ аивтаиккой Хуссар Ирыстоны Дзау ӕмӕ Знауыры административон районты статус.
Хуссар Иры мысынц Дзауы 1991 азы зӕххӕнкъуысты амӕттӕгты
© Photo : Пресс-служба Дзауского района