ЦХИНВАЛ, 6 май — Sputnik. Цӕгатирыстойнаг зынгфӕдисонты къухты бафтыд базар "Викалина"-йы зынгсирвӕзт ахуыссын кӕнын Дзӕуджыхъӕуы, хъусын кӕны республикӕйы УУМ пресс-службӕ.
Банысангонд ӕрцыд, зынгсирвӕзт локализацигонд кӕй ӕрцыд райсомы иуӕндӕс сахатмӕ ӕввахс, кӕронмӕ та йӕ ахуыссын кодтой 14.20 сахатыл.
Базары ссыгъды тыххӕй хъусинаг уагдонмӕ бацыд 10.00 сахатмӕ ӕввахс. Ссыгъдысты базарадон ангартӕ 4500 квадратон метры фӕзуатыл. ӕнӕниздзинад хъахъхъӕнынады министрады куыд фехъусын кодтой, афтӕмӕй цауы рӕстмджы хъыгдард баййӕфтой дыууӕ адӕймаджы.
Арт ахуыссын кӕныныл архайдтой 68 адӕймаджы ӕмӕ техникӕйы 20 иуӕджы.
Цӕгат Ирыстоны прокуратурӕ ныридӕгӕн райдыдта сгарӕн мадзӕлттӕ зынгсирвӕзты фӕдыл. Иртӕст цӕуынц ӕнамонд цауы аххосӕгтӕ.