ЦХИНВАЛ, 13 май - Sputnik. Хуссар Ирыстоны Знауыры районы ӕрурӕдтой Терегуаны хъӕуы 20-аздзыд цӕрӕджы хъармгӕнӕн системӕйы цӕнгӕт батарейтӕ ӕмӕ сау згъӕры гӕппӕлтӕ адавыны тыххӕй.
Республикӕйы МХМ пресс-службӕ куыд хъусын кӕны, афтӕмӕй районы мидхъуыддӕгты управленимӕ бацыд хъаст нӕлгоймагӕй, кӕцыйы хӕдзарӕй адавтой уӕлдӕр ранымайгӕ ӕрмӕджытӕ.
"Оперативон-сгарӕн мадзӕлтты рӕстӕджы сбӕрӕг кодтой ӕмӕ ӕрурӕдтой адавыны хъуыддаджы зӕрдӕхсайгӕйы. Уый разынд хъастгӕнӕджы 20-аздзыд сыхаг", - дзырдӕуы хъусинаджы.
Лӕппу басаст йӕ фыдракӕндыл, уый конд ӕрцыд Знауыры районы мидхъуыддӕгты хайады рӕстӕгмӕдарӕн камерӕмӕ.