ЦХИНВАЛ, 23 май – Sputnik, Къæбысты Анна. Дзæуджыхъæуы Тъугъанты Махарбеджы номыл Аивадон музейы байгом ис Кæсæбиты Андрейы равдыст "Дорогой духа".
Цæгат Ирыстоны сæйраг горæты йæ персоналон равдысты хуссарирыстойнаг нывгæнæг равæрдта фæстаг дæс азы дæргъы бакæнгæ куыстытæ. Экспозицийы сконды сты скульптурæтæ згъæр æмæ хъæдæрмæгæй, декоративон-уæлæмхас аивады æрмæджытæ графикон куыстыты серийæ.
Выставка Андрея Касабиева во Владикавказе
© Sputnik / Анна Кабисова
Нывгæнæджы куыстыты сюжетон æмæ фæлгонцон центры сты Нарты кадджытæ, тохы æмæ хъизæмæртты темæтæ.
Равдыст бакæныны церемонийы Аивадон директоры хæдивæг, аивадзонæг Биазырты Людмила радзырдта, Кæсæбиты Андрейы фыццаг равдыст ацы музейы кæй ацыд 2016 азы.
"Уæд базонгæ стæм йе 'сфæлдыстадимæ æмæ федтам, куыд цымыдисон адæймаг æмæ хицæнхуыз нывгæнæг у", - банысан кодта уый.
Кæсæбиты Андрей ахуыр кодта Тугъанты Махарбеджы номыл нывгæнæн ахуыргæнæндоны Цхинвалы, стæй та Бедойты Шалвайы æрмадзы Дзæуджыхъæуы. Фæстæдæр архайын райдыдта скульптурæйы фадыджы.
"Скульптортæй иугай адæймæгтæ райгуырынц. Андрей у дæсны специалист, кæцы уарзы æрмæг, згъæр, хъæдæрмæг. Уыимæ хъæдæрмæг уарзы сæрмагонд хуызты, уæздан породæтæй - æнгуз æмæ чесæ", - загъта Биазырты Людмила.
Цæгат Иры байгом скульптор Кæсæбиты Андрейы равдыст
© Sputnik / Анна Кабисова
Уый ма банысан кодта скульпторы скульпторы æнахуыр сюжеттæ, кæцытæ ист сты цардæй.
Згъæрæй цы кусытытæ сарæзта нывгæнæг, уыдонæн Биазырты Людмила скодта уæлдай бæрзонд аргъ.