ЦХИНВАЛ, 7 июн — Sputnik. Уӕрӕсейаг артиллеристтӕ сӕрмагонд операцийы иу бонмӕ скуынӕг кодтой Норвегийы ратгӕ иу 155-мм хӕддзӕугӕ ӕвӕрӕн М109А3 ӕмӕ АИШы арӕзт дыууӕ 155-мм гаубицӕтӕ М777. Уый тыххӕй дыццӕджы хъусын кӕны Уæрæсейы Хъахъхъæнынады министрады официалон минæвар инæлар-майор Игорь Конашенков.
"Уымӕй дарддӕр ма артиллерийы фæцæфты фæстиуæгæн куынæг æрцыдысты быдырон артиллерийы авд сармадзаны ӕмӕ минометтӕ, сӕ нымӕцы хӕддзӕугӕ 203-мм артиллерион ӕвӕрӕн "Пион", - фехъусын кодта уый.
Ӕдӕппӕт сӕрмагонд ӕфсӕддон операцийы райдайӕнӕй скуынӕг кодтой: 190 хӕдтӕхӕджы, 129 вертолеты, 1139 ӕнӕпилотон тӕхӕг аппараты, 333 зенитон ракетон комплексы, танктӕ ӕмӕ ӕндӕр бронетехникӕйы 3443 иуӕджы, залпон ӕхсты реактивон системӕты 478 иуӕджы, быдырон артиллери ӕмӕ минометты 1807 сармадзаны, сӕрмагонд ӕфсӕддон автомобилон техникӕйы 3464 иуӕджы.
Уӕрӕсе 24 февралы райдыдта сӕрмагонд ӕфсӕддон операци Украинайы демилитаризаци ӕмӕ денацификацийы фӕдыл. Бӕстӕйы Хъахъхъӕнынады министрады куыд банысан кодтой, афтӕмӕй УФ Гарзджын тыхтӕ ӕхсынц ӕрмӕстдӕр ӕфсӕддон инфраструктурӕ ӕмӕ украинӕйаг ӕфсӕдты.