ЦХИНВАЛ, 8 июн – Sputnik. Дзæуджыхъæуы Плиты Иссæйы хæдзар-музейы байгом Стыр Фыдыбæстон хæсты рæстæджы уникалон экспонатты равдыст. Уый тыххæй хъусын кæны ПТРК "Алания".
Равдысты бавдыстой Брянскы фронты 50-æм æфсады хисæрмагонд дзауматæ, кæцытæ 1941 азы бамбæхста политрук Иван Астахов Тульскы областы.
Дзауматæ бирæ рæстæг нымадтой сæфтыл, фæлæ сæ 2019 азы ссардтой клуб "Славный"-ы хайадисджытæ. Сырх æфсады сгуыхтдзинæдты бæлвырдгæнæнтæ гæнæн ис фенын 3 августы онг. Равдыст ацæудзæн Уæрæсейы 80 горæты.