ЦХИНВАЛ, 24 июн — Sputnik. Цæгат Ирыстоны барадхъахъхъæнæг органтæ уадзынц басгæрст Дзæуджыхъæуы æнахъом лæппуйы амæлæты фæдыл, хъусын кæны регионы фæдагуырды комитеты пресс-службæ.
Нысангонд æрцыд, æнахъом лæппуйы мард кæй ссардæуыд 23 июны 17.00 сахатыл Барбашова æмæ Кырджалийскийы уынгты алвæндагыл.
"Развæлгъау бæрæггæнæнтæм гæсгæ, æнахъом лæппу амард электрикон токы архайдæй. Цауы фæдыл снысан кодтой слестагъоммæ басгæрст", - дзырдæуы хъусинаджы.
Уагдоны бафтыдтой, зæгъгæ, ныртæккæ уагъд цæуынц сгарæн мадзæлттæ, цæмæй сбæрæг кæной цауы æууæлтæ.