ЦХИНВАЛ, 29 июн – Sputnik, Гæбæраты Элина. Ленингоры районы администрацийы коммуналон службæтæ цалцæг кæнынц хæххон хъæутæм фæндæгтæ, кæцытæ фехæлдта тæрккъæвда. Уый тыххæй Sputnik фехъусын кодта администрацийы пресс-секретарь Кокойты Анжела.
Хуссар Ирыстоны тæрккъæвдатæ æрхастой стыр зиан республикæйы районтæн. Иууыл тынгдæр бахъыгдард сты Дзауы æмæ Ленингоры районтæ.
Ленингоры районы иуварс кæнынц æрдзон бæллæхы фæстиуджытæ
© Пресс-служба Ленингорского района
"Тæрккъæвдайы фæстиуæгæн фехæлд Ларгвисы хъæумæ фæндаджы цалдæр метры. Бахъыгдард ма сты хъæутæ Карчох, Фæсхъæу æмæ Балан", - банысан кодта Кокойты Анжела.
Йæ ныхæстæм гæсгæ, сыгъдæг цæуынц бацæуæн фæндæгтæ.
Ленингоры районы иуварс кæнынц æрдзон бæллæхы фæстиуджытæ
© Пресс-служба Ленингорского района
"Арæзтад, архитектурæ æмæ ЦКХ дæлхайады хистæр куыд радзырдта, афтæмæй куысты гуырахст у егъау. Коммуналон кусджытæ цæуынц бынæттæм, кæцытæ бахъыгдард сты тæрккъæвдайы фæстиуæгæн. Специалисттæ цалцæг кæнынц фæндæгты пырх фадгуытæ", - радзырдта пресс-секретарь.
Ныртæккæ Ксаны доны æмвæзад къаддæр кæны. Гром – Цъинагар фæндагыл тæрккъæвда фехæлдта уæлцъар. Куыстыт архайдтой "Дорэкспострой"-ы специалисттæ.
Ленингоры районы иуварс кæнынц æрдзон бæллæхы фæстиуджытæ
© Photo : Пресс-служба Ленингорского района