ЦХИНВАЛ, 29 июн – Sputnik, Плиты Фатимӕ. Хуссар Ирыстоны Дзауы районы Итраписы хъӕумӕ хӕстӕг ссардтой дыццӕджы Пацъайы доны бахауӕг ӕвзонг лӕппуйы, фехъусын кодтой Sputnik УУМ радгӕсон службӕйы.
"Хъыгагӕн, лӕппу удӕгас нал у. Йӕ мӕрдон буар ссардтой цӕугӕ дон Леуахийы дурлыстӕггӕнӕнтӕм хӕстӕг Итраписы хъӕуы цур",- загътой уагдоны.
Лӕппуйы агуырдтой дыууӕ боны дӕргъы, агурӕн операцийы архайдтой сӕдӕ адӕймагӕй фылдӕр.