ЦХИНВАЛ, 21 июл — Sputnik. Хуссар Ирыстоны Мидхъуыддæгты министрад (МХМ) æмæ Хъахъхъæнынады министрад хæлцадон æххуыс бакодтой 10 æххуысхъуаг бинонтæн Цхинвалы, кæцытæ лæууынц мидхъуыддæгты хайады хыгъдыл. Бинонты фæхуыдтой столицæйы милицийы дæлхайадмæ, цы ран сын радтой æнæмæнгхъæугæ хæлцадон продукттæ.
Æнахъомты хъуыддæгты фæдыл инспекцийы дæлхайады хистæр Гатайты Лалийы ныхæстæм гæсгæ, æххуысхъуаг бинонтæн баххуыс кæнын банхъардта Хъахъхъæнынады министрад. Уый бафтыдта, зæгъгæ, МХМ æмæ Хъахъхъæнынады министрад нывæндынц адарддæр кæнын акци æххуысхъуаг бинонтæн баххуыс кæныны фæдыл.