ЦХИНВАЛ, 25 июл - Sputnik. Уӕрӕсейы Ӕдасдзинады Федералон службӕ фехъусын кодта, кӕй не руагъта Украинӕйы ӕфсӕддон разӕсгӕрсты операци уӕрӕсейаг хӕстон хӕдтӕхджытӕ атӕрыны фӕдыл. Уый тыххӕй хъусын кӕны РИА Новости.
"Украинӕйы ӕфсӕддон разӕсгӕрсты кусджытӕ, сӕ бӕстӕйы политикон къухдариуӕгады номӕй архайгӕйӕ, бахъавыдысты уӕрӕсейаг тӕхджыты свербовкӕ кӕнын, ӕнхъардой сын ӕхца ӕмӕ Евроцӕдисы бӕстӕтӕй иуы ӕмбӕстагад райсыны гарантитӕ. Уыдон фӕндыд, цӕмӕй уӕрӕсейаг тӕхджытӕ атӕрой ӕмӕ ӕрбадын кӕной хӕдтӕхджытӕ УГТ дӕлбар уӕвӕг аэродромты", - дзырдӕуы хъусинаджы.
Банысангонд ӕрцыд, операцийӕн къухдариуӕгад кӕй лӕвӕрдтой НАТО бӕстӕты сӕрмагонд службӕтӕ.
Тыхон структурӕтӕ ныридӕгӕн сбӕрӕг кодтой хайадисджыты украинӕйаг сӕрмагонд службӕты нымӕцӕй ӕмӕ сӕ ӕххуысгӕнджыты.
"Оперативон хъазты фӕстиуӕгӕн уӕрӕсейаг контрразӕсгарджыты къухты бафтыд информаци, кӕцы феххуыс ис нӕ Гарзджын тыхтӕн скуынӕг кӕнын къорд украинӕйаг ӕфсӕддон объекты", - хъусын кӕны РИА Новости.
Уымӕй дарддӕр ма ӔФС ныммыхуыр кодта оперативон исты кадртӕ, цы ран Украинӕйы Гарзджын тыхты минӕвар ныхас кӕны телефонӕй уӕрӕсейаг тӕхӕгимӕ.