ЦХИНВАЛ, 28 июл — Sputnik, Табуты Агуындæ. Хуссар Ирыстоны Хъахъхъæнынады министрады цыппæрæмы бæрæгбонон уавæры радтой национ Гарзджын тыхтæн ног уæрæсейаг æфсæддон-техникон мулк.
Передача Минобороны РЮО техники российского производства
© Sputnik / Natalia Airiyan
Церемонийы хайад истой республикæйы президент Гаглойты Алан, хъахъхъæнынады министры хæстæ æххæстгæнæг Пухаты Владимир, Гарзджын тыхты Генштабы хистæр Виктор Федоров, Уæрæсейы минæвар Марат Кулахметов, техникæйы аразæг куыстуат æмæ уæрæсейаг хъахъхъæнынадон уагдоны минæвæрттæ.
Передача Минобороны РЮО техники российского производства
© Sputnik / Natalia Airiyan
"Мах хъуыды кæнæм æмæ аргъ кæнæм Уæрæсейы æххуысæн. Махæн ис иумæйаг истори. Хуыцау зæгъæт, цæмæй Уæрæсе æмæ Хуссар Ирыстоны сæрмæ уа сыгъдæг арв. Ныфс мæ ис, нæ æмгуыстад кæй адарддæр уыдзæн æмæ рахиздзæн ног æмвæзадмæ. Зонын æй, ацы техникæйæ кæй пайда кæндзысты раст: мах цæттæ стæм йæ руаджы хъахъхъæнын нæ адæмы æдасдзинад", - загъта Гаглойты Алан.
Уæрæсейаг компани "Мясищев-Техсервис"-ы минæвæрттæ, кæцытæ сарæзтой Хъахъхъæнынады министрадæн техникон лæггæдты пункт, равдыстой объект паддзахады сæргълæууæгæн æмæ банысан кодтой, уый кæй у автомобилон æмæ бронетанкон техникæйы цалцæгæн.
УФ хъахъхъæнынады министрады минæвæрттæ радзырдтой æрæмбырдуæвджытæн техникæйы тактикон-техникон характеристикæты тыххæй.
Передача Минобороны РЮО техники российского производства
© Sputnik / Natalia Airiyan