ЦХИНВАЛ, 2 авг – Sputnik. Уӕрӕсейы хъахъхъӕнынады министр Сергей Шойгу фехъусын кодта, фӕстаг рӕстӕджы Донецкы Адӕмон республикӕйы кӕй ссӕрибар кодтой ӕхсӕз цӕрӕн пункты.
Йӕ ныхӕстӕм гӕсгӕ, Луганскы Адӕмон республикӕйы территоритӕ контрольмӕ райсыны фӕстӕ нывӕзтгонд ӕгъдауӕй сӕрибар цӕуы ДАР.
"Фӕстаг рӕстӕджы сӕрибар ӕрцыдысты цӕрӕн пункттӕ Григоровка, Берестовое, Стряповка, Покровское, Семигорье ӕмӕ Новолуганское. Нӕ контролы бынмӕ рахызт Европӕйы егъаудӕр Углегораг электростанц, кӕцыйӕн йӕ проектон тых у 3 мин 600 мегаватт", - хъусын кӕны РИА Новости Шойгуйы ныхӕстӕ.
Уӕрӕсе 24 февралы райдыдта сӕрмагонд ӕфсӕддон операци Украинайы демилитаризаци ӕмӕ денацификацийы фӕдыл. Бӕстӕйы Хъахъхъӕнынады министрады куыд банысан кодтой, афтӕмӕй УФ Гарзджын тыхтӕ ӕхсынц ӕрмӕстдӕр ӕфсӕддон инфраструктурӕ ӕмӕ украинӕйаг ӕфсӕдты.