ЦХИНВААЛ, 3 авг – Sputnik. Гӕззаты Вадимы номыл милицийы сӕрмагонд нысаниуӕджы къорды сержантон скондӕй 40 кусӕгӕй фылдӕры бавдыстой квалификацион цинтӕ райсын кӕнӕ бафидар кӕнынмӕ. Уый тыххӕй хъусын кӕны Хуссар Ирыстоны Мидхъуыддӕгты министрады пресс-службӕ.
Хуссар Иры МСНК хӕстонтӕ бафидар кодтой сӕ квалификаци
© Пресс-служба МВД РЮО
Хӕстонты профессионалон цӕттӕдзинады ӕмвӕзадӕн аргъ кодта квалификацион къамис, йӕ сӕргъ лӕууыд хисӕрмагонд скондимӕ куысты командир Санахоты Владислав, банысан кодтой уагдоны.
"МСНК кусджытӕ бафидар кодтой нормативон-барадон актты зонынад, кӕцытыл бындуриуӕг кӕнынц оперативон-службӕйон архайд, афтӕ ма табелон хӕцӕнгарз ӕмӕ сӕрмагонд фӕрӕзтӕй пайдакӕнынад ӕмӕ хъахъхъӕнынад. Раздӕр ма уыдон радтой нормативтӕ службӕйон, ӕхстон ӕмӕ физикон цӕттӕдзинадӕй, кӕцытӕ сты ӕнӕмӕнгхъӕуӕг кусӕгон хӕстӕ ӕххӕст кӕнынӕн", - радзырдтой МХМ.
Уагдоны ма бамбарын кодтой, ахӕм фӕлварӕнтӕ къорды кусджытӕ кӕй рацӕуынц алы ӕртӕ азы дӕр, ӕмӕ сӕм уагъд ӕрцӕуынц ахӕм кусджытӕ, кӕцытӕн нӕй диспиплинӕйон уайдзӕфтӕ.