ЦХИНВАЛ, 9 авг — Sputnik. Халӕппӕрсты фӕстиуджытӕм гӕсгӕ Подмосковьейы парк "Патриот"-ы Хуссар Ирыстоны хъахъхъӕнынады министрады командӕйы ныхмӕлӕууӕг "Танкон биоталоны" суыдзысты командӕтӕ Иран, Мали ӕмӕ Зимбабвейӕ.
Республикӕйы хъахъхъӕнынадон уагдоны пресс-службӕ куыд хъусын кӕны, афтӕмӕй хуссарирыстойнаг танкистты фыццаг бацыд нысангонд у 14 августмӕ - уыдон дугъы хайад исдзысты кӕрдӕгхуыз ахуырст танкӕтыл.
"Ацы аз, хъыгагӕн, дыккаг дивизионы эстафетӕйы дугъ аивтой. Нӕ фӕсивӕд сараздзысты ӕппӕт дӕр, цӕмӕй суой уӕлахиздзаутӕ индивидуалон дугъты", - хӕссы пресс-службӕ командӕйы капитан Зӕгъойты Владимиры ныхӕстӕ.
Уагдоны ма банысан кодтой, зӕгъгӕ, дыккаг дивизионы хуссарирыстойнаг командӕйы ӕмрӕнхъ ралӕудзысты танкисттӕ Лаос, Иран, Абхаз, Сомих, Мали, Таджикистан, Сири, Зимбабве, Мьянма ӕмӕ Суданӕй.
Хуссар Ирыстонӕй "Танкон биатлоны" хайад исынц цыппар экипажы, уыдон конкурсмӕ афӕндараст сты техникон ӕххуысы службӕимӕ.
Ацы аз национ æфсады командæ хайад исы "Танкон биатлон"-ы æртыккаг хатт.