ЦХИНВАЛ, 10 авг – Sputnik, Табуты Агуындӕ. VII республикон фотоконкурс "Хуссар Ирыстон – 2022"- лауреаттӕ ссисты къамисджытӕ, кӕцытӕ сӕ куыстытӕ бавдыстой дыууӕ номинацийы: "Ирыстон цӕсгӕмтты" ӕмӕ "Пейзаж". Конкурсы хайад райстой 25 къамисӕджы, кӕцытӕ жюрийы размӕ рахастой 141 куысты.
Категори "Ирыстоны цӕсгӕмтты"-йы уӕлахиздзаутӕ ссисты Гӕззаты Тимур ӕмӕ Жажиты Аланӕ. Конкурсы организатортӕ куыд нысан кӕнынц, афтӕмӕй уӕлахиздзауты ӕххӕст номхыгъд фӕбӕрӕг уыдзӕн фӕстӕдӕр - хъӕуы банымайын уӕлӕмхас балтӕ дӕр.
Цхинвалы фӕстиуджытӕ аразынц фотоконкурс "Хуссар Ирыстон - 2022"-ӕн
© Sputnik / Natalia Airiyan
Ӕртыццӕджы Анахарсисы номыл республикон библиотекӕйы кӕсӕн залы мадзалы хайадисджыты кустытӕн аргъ кодта компетентон жюри. Йе 'сконды уыдысты: РХИ адӕмон нывгӕнӕг Цхуырбаты Тамерлан, Нывгӕнджыты цӕдисы сӕргълӕууӕг Битеты Вадим, Адӕмон сфӕлдыстады республикон центры директор Гуыцмӕзты Эльза, культурӕйы министрады минӕвар Наталья Жуйкова ӕмӕ нывкӕнынадон аивады методист Цхуырбаты Ариана.
Цхинвалы фӕстиуджытӕ аразынц фотоконкурс "Хуссар Ирыстон - 2022"-ӕн
© Sputnik / Natalia Airiyan
Цхуырбаты Тамерланы ныхӕстӕм гӕсгӕ, ацы аз уӕлахиздзау равзарын ӕнцон хъуыддаг нӕ уыд бирӕнымӕц курдиатджын хайадисджыты тыххӕй.
"Ахӕм мадзӕлттӕн ис стыр нысаниуӕг, цӕмӕй дунейы рӕсугъддзинад цы адӕм уынынц, уыдонӕн уа фадат базонгӕ кӕнын уыцы рӕсугъддзинадимӕ ӕндӕр адӕмы дӕр. Цӕмӕй равдисой, царды кӕй ис канд фыдӕбӕттӕ нӕ, фӕлӕ ирд уысмтӕ дӕр. Уымӕ гӕсгӕ сӕ хъӕуы уадзын арӕхдӕр", - загъта уый.
Гуыцмӕзты Эльза банысан кодта, ацы аз конкурсы хайад кӕй райстой ӕрмӕст къамисджытӕ, фӕлӕ фидӕнмӕ фӕнд кӕнынц ӕнгӕс мадзӕлттӕ ауадзын кафт ӕмӕ зардӕй дӕр.
Уӕлахиздзауты схорзӕх кӕныны церемони ацӕудзӕн 26 августы Цхинвалы Ногдзауты парчы къамты равдысты рӕстӕджы.