ЦХИНВАЛ, 11 авг – Sputnik. Уæрæсейы Гарзджын тыхтæ скуынæг кодтой дыууæ украинæйаг бригадæйы æфсæддонты 50 проценты Донецкы Адæмон Республикæйы, хъусын кæны цыппæрæмы УФ Хъахъхъæнынады министрад.
"Активон размæбырстон архæйдтыты фæстиуæгæн скуынæг кодтой Украинæйы Гарзджын тыхты 14-æм æмæ 66-æм механизацигонд бригадæты æфсæддонты 50 проценты Артемовск æмæ Авдеевкайы районты. Бæлвырд цæуы, националисттæ арæх кæй ныууадзынц сæ позицитæ", - хъусын кæны РИА Новости хъахъхъæнынадон уагдоны бæрæггæнæнтæ.
Хъахъхъæнынады министрады ма банысан кодтой, уæрæсейаг авиаци æмæ артиллери иу суткæмæ кæй скуынæг кодтой украинæйаг æфсæдты фæткдаруаты 20 пункты.
Афтæ ма скуынæг кодтой ракетон-артиллерион хæцæнгарзы æфтауц Харьковы районы, зенитон-ракетон комплекс С-300-йы локатор Краматорскы районы, афтæ ма удæгас тыхтæ, хæцæнгарз, æфсæддон æмæ сæрмагонд техникæйы æмбырдуаты 264 районы.
УФ уæлдæфон-космикон тыхтæ Никополы районы æрæппæрстой украинæйаг вертолет Ми-24, банысан кодтой Хъахъхъæнынады министрады. Уæрæсейаг уæлдæфон хъахъхъæнынады фæрæзтæ та æрæппæрстой авд украинæйаг æнæпилотон тæхæг аппараты æмæ залпон æхсты реактивон системæты цыппар ракетæйы Лисичанскы районы.