ЦХИНВАЛ, 16 авг - Sputnik. Хуссар Ирыстоны прокуратурæйы кусæджы суæгъд кодтой куыстæй службæйон фæдæвзарæны хатдзæгтæм гæсгæ, кæцымæ гæсгæ бæлвырд æрцыд, уый кæй сарæзта зылынми, кæцы дæлæмæ кæны прокуророн кусæджы кад, хъусын кæны дыццæджы РХИ Генпрокуратурæйы пресс-службæ.
Уагдоны банысан кодтой, зæгъгæ, фæдæвзарæн райдыдта, прокуратурæйы кусæг августы райдайæны Паддзахадон автоинспекцийы кусджыты домæнмæ куы не сразы рацæуын медицинон басгæрст, уæд.
"Республикæ Хуссар Ирыстоны генералон прокуратурæ фыдракæндты фæдæвзарæнмæ хъусдарды фæдыл хистæр прокурор Тедеты А.В. фæдыл бакодта уголовон хъуыддаг административон фæткхæлдты тыххæй, кæцы барвыстой Цхинвалы горæты тæрхондонмæ", - дзырдæуы хъусинаджы.
Республикæйы генпрокуроры хæстæ æххæстгæнæг Битеты Сергей Тедетыйы фæдыл снысан кодта службæйон фæдæвзарæн, кæцыйы рæстæджы бæлвырд æрцыд, уый кæй фехæлдта прокуророн кусæджы этикæйы кодексы нормæтæ æмæ "РХИ прокуроры фæдыл" закон.