ЦХИНВАЛ. 16 авг - Sputnik. Уæрæсе фидар кæндзæн Гарзджын тыхтæ æмæ æдасдзинады æндæр структурæтæ, æххæст кæндзæн йæ националон интерестæ, хъахъхъæндзæн цæдисонты æмæ исдзæн æндæр къахдзæфтæ демократон дунейы арæзтадæн. Уый тыххæй УФ президент Владимир Путин фехъусын кодта æхсæнадæмон æдасдзинады фæдыл X Мæскуыйаг конференцийы рæстæджы, хъусын кæны дыццæджы РИА Новости.
Уæрæсейаг лидер бахахх кодта, зæгъгæ, бирæполярон дуне, кæцы арæзт у æхсæнадæмон барады бындурыл, гом кæны фадæттæ иумæйаг æртхъирæнты ныхмæ тохæн.
"Куыд раздæр, афтæ дарддæр дæр Уæрæсе активон хайад исдзæн иумæйаг куысты, йæ цæдисонтæ æмæ партнертимæ хуыздæр кæндзæн æхсæнадæмон æдасдзинады механизмтæ æмæ араздзæн ногтæ, фидар кæндзæн националон Гарзджын тыхтæ æмæ æдасдзинады æндæр структурæтæ. Æххæст кæндзыстæм нæ националон интерестæ, хъахъхъæндзыстæм нæ цæдисонтæ, исдзыстæм æндæр къахдзæфтæ демократон дунейы арæзтадæн, цы ран гаранти уыдзæн алы адæмты барадæн", - загъта Владимир Путин.