ЦХИНВАЛ, 23 авг — Sputnik. Украинæйы æфсад фехста Донецкы центр, уый фæстиуæгæн амардысты æртæ сабыр цæрæджы, хъусын кæны РИА Новости.
Æхстытæ иууыл тынгдæр уыдысты Донецкы централон Ворошиловы æмæ Калинины районтæ. Ворошиловы районы сармадзан сæмбæлд бирæфатерон хæдзарыл, афтæ ма æхстыты бын ис базарадон центр Green Plaza-йы район. Хъусын кæнынц æртæ фæмардуæвæг æмæ æхсæз фæцæфуæвæджы тыххæй.
Донецкы Адæмон республикæйы минæварады куыд хъусын кæнынц, афтæмæй Донецкы центрмæ атакæтæй иу сæххæст кодтой америкæйаг залпон æхсты реактивон ситемæ HIMARS-æй.
"Знаг егъау æхсты бын фæкодта Донецкы центр НАТО-йы хæцæнгарзæй. Ворошиловы районмæ атакæйы рæстæджы знаг пайда кодта 155 мм калибры артиллерион системæтæй. Æртыккаг атакæ æфсæддон экспертты хъуыдымæ гæсгæ сæххæст кодтой америкæйаг залпон æхсты реактивон ситемæ HIMARS-æй", - дзырдæуы минæварады хъусинаджы.