ЦХИНВАЛ, 29 авг – Sputnik, Плиты Фатимӕ. Хуссар Ирыстоны кафт ӕмӕ зарды паддзахадон ансамбль "Симд" Михаил Годенкойы номыл Красноярскы паддзахадон академион кафты ансамблимӕ иумӕ ратдзӕн концерт, фехъусын кодтой Sputnik ансамблы пресс-службӕйы.
Хуссар Ирыстон ӕмӕ Уӕрӕсейы сфӕлдыстадон коллективты ралӕуд нысан у 17 сентябрьмӕ.
"Концерт ацӕудзӕн паддзахадон драмон театры сценӕйыл. Дыууӕ коллектив дӕр бавдисдзысты фӕйнӕ 7-8 номыры. Уый уыдзӕн ирон, кавказаг ӕмӕ уырыссаг хореографийы бӕрӕгбон", - загътой ансамблы.
Красноярскы паддзахадон академион кафты ансамблӕн бындур ӕвӕрд ӕрцыд 1946 азы. Дунейы йӕ ном айхъуыст йӕ аивадон къухдариуӕггӕнӕг Михаил Годенкойы фӕрцы, уый коллективимӕ куыста 1963 азӕй 1991 азмӕ.